Un mes de refráns debuxados
“Estás na horta e non ves as verzas”
“Será meu herdeiro quen me limpe o traseiro”
“A formiga foi mexar ao mar e dixo que era unha axuda”
“A quen come pan, migallas lle quedarán”
AG.- Necesitamos os refráns porque reflicten o que somos. En galego, temos un para case cada momento e cada aspecto da nosa vida. Estes ditos conéctannos con coñecemento que transcende as persoas e as épocas porque “Non hai refrán vello que non sexa verdadeiro”.
Ademais, os refráns son coma pos pica-pica, como petiscos crocantes que che permiten xogar coa lingua, coa súa sonoridade e coa metáfora que adoita haber detrás. É marabilloso, porque o mesmo refrán pode variar dependendo da zona onde o escoites.
Convidámoste a un xogo que vai pór en marcha a túa creatividade e nos vai conectar a través destes refráns e as imaxes que evoquen en nós.
Anímaste a coller o(s) teu(s) lapis, acuarelas ou tableta?
Cada día, en Aulas Galegas e desde o perfil de Twitter e Instagram de Galiza visual proporémosche o reto de representar un refrán.
Tamén podes perguntar na túa casa a ver se descobres algún. Logo, fai un debuxo ou unha colaxe, mestura imaxe e palabras ou o que queiras. Unha vez que o teñas feito, convidámoste a compartir as túas creacións nas redes sociais cos cancelos #debuxaunrefran (galego), #seanfhaclanbeo (gaélico) e #picsnproverbs (inglés)! Con eses mesmos cancelos tamén poderás ir vendo o que crean outras persoas.
Lembra que tamén podes atopar moitos máis refráns no Refraneiro galego, no Dicionario de dicionarios, ou na páxina de Orella pendella.