Axenda alumnado 21_22
Seguimos enchendo a mochila Aulas Galegas para comezar o curso.
Agora tócalle a quenda á axenda do alumnado. Para nós é prioritario poder fornecer o alumnado de materiais de traballo na nosa lingua e é por isto que non podía faltar no noso portal unha axenda escolar específica para o alumnado que lle ofreza un soporte físico e permanente á súa actividade académica.
Procuramos na medida do posible que esta axenda respondese a todas as necesidades básicas de calquera alumna e alumno e, neste sentido, ofrece os elementos clásicos e tradicionais neste tipo de documentos como páxina de horario, calendarios trimestrais e mensuais e páxinas de semana vista.
A nosa axenda pretende cubrir máis aspectos que as necesidades básicas e por isto é posible atopar nela a sección “Recursos” onde poderás tomar nota de:
– contrasinais
– contactos
– lecturas
– información académica
– exposicións e exames
– avisos de titoría
– traballos telemáticos…
Todo isto enriquecido con elementos como as palabras do camiño, un apartado de léxico e ilustracións relacionadas coas peregrinacións.
Desexamos que a axenda cumpra o seu cometido e agardamos que vos guste.
Por favor, deixádenos nos comentarios as suxestións de mellora por se houbese a oportunidade de aplicalas noutra ocasión.
Grazas e que que teñades un curso ordenadiño que por axenda non ha de ser!