Refugallando con caixas de ovos
AG.- Estes días, algúns de nós, botamos en falta os ovos “da casa”: os que trae a avoa Mari, os que nos dan Rosita e Juan no verán…
A eses cartóns ímoslles “restando” ovos ata que quedan “baleiros” pois facemos tortilla, biscoito, ou mesmo temo-lo antollo de ovos fritidos na tixola.
E se reutilizamos esas “caixas que os protexen”?
De seguro que se vos ocorren moitísimas cousas que facer co material que tedes pola casa.
Nós, por exemplo, non tiñamos goma para axustar á cara os antefaces e carautas, porén collemos corda fina e cordóns dos tenis (“limpos”, eh?!).
Dámosvos algunhas ideas e propoñémosvos elaborar as vosas, con axuda dalgún familiar. Unha vez feitas, pasaredes unha tarde de xogos diferente.
Animádesvos a crear os vosos propios deseños?
PREMEDE AQUÍ
Lucía Lence Expósito
