O día do libro con Merge Cube
AG.- Santiago Gil Castro (@santinfantil), mestre de Educación Infantil no Ceip Xoaquin Lourezo Xocas (Bande, Ourense) compártenos esta proposta de uso da Realidade Aumentada e mais Merge Cube para conmemorar o día do libro 2020.
O obxectivo desta actividade é recrear un mundo virtual con Merge Cube para o día do libro. Nesta actividade primará a creatividade dos nenos/as.
Esta actividade esta pensada para alumnado a partir de 10 anos, cun coñecemento básico de programación (Coblocks, moi parecida a Scratch) así como da utilización da plataforma de creación de mundos virtuais, CoSpaces.
Unha vez creado o espazo virtual poderá ser utilizado por nenos e nenas de 6 anos en diante.
Pasos para a utilización de CoSpaces e Mergecube:
- Descargar a APP de CoSpaces na APP Store ou Play Store.
- Comprar ou elaborar o Merge Cube co modelo que podes atopar aquí.
- Clicar na seguinte ligazón para acceder ao espazo virtual do “Día do Libro”: https://edu.cospaces.io/RPU-APX
- Ou visualizar desde aquí mesmo