Adeus a Lino Braxe

AG.- Onte deixounos Lino Braxe, quizais o artista más polifacético da nosa terra.

Poeta, director de teatro, actor de dobraxe, pintor, locutor de radio…

Como activista e referente na cultura galega, Lino apoiou Aulas Galegas desde o inicio colaborando na primeira edición do Concurso Ouvea o Lobo para promocionar a escritura e o desenvolvemento do talento e a ficción sonora como xénero.

Ilustración de Lino Braxe.

 

Na súa faceta de artista plástico, compartiu tres ilustracións para animar a rapazada no seu proceso creativo.

Sobre o inicio da sua actividade comentaba:

“Todo empezou como agora. Tiven que estar 16 meses nunha cama debido a unha pneumonía brutal. Era un neno. E aprendín a distraerme só. Debuxaba, lía contos, poemas sinxelos e así pasaban os días. Ata que eu mesmo empecei a escribir adiviñas, refráns e poemas sobre os contos que lía. E ata agora. Sigo facendo o mesmo: debuxar e escribir. E facer teatro e dobraxe. Non podo parar….”

Grazas Lino pola túa xenerosidade, o teu ánimo e o teu legado en prol da lingua e cultura galegas.
Desde Aulas Galegas, continuaremos espallando a túa obra para que unha faísca da chama  inmensa da túa creatividade prenda nas novas xeracións.
___________
Lino Braxe na rede:
Dor – curta dirixida e interpretada por Lino Braxe

Deixa unha resposta

O teu enderezo electrónico non se publicará Os campos obrigatorios están marcados con *