Xogando coa tensión superficial

AG.- Nesta xornada traemos outro experimento de David Ballesteros.

Este experimento dános a oportunidade de traballar cos nenos e nenas as táboas de dobre entrada e as gráficas de barras.

A Ficha Alumno para que poidan recoller as súas impresións sobre o experimento.

Para complementar a actividade cos contidos matemáticos, podedes facer o seguinte: facilitar aos cativ@s unha táboa de dobre entrada na que recollan os datos do experimento deles e de todos os compañeiros e compañeiras.

Cada alumn@ realizará tres intentos de depositar gotas de auga nunha moeda dun euro e outros tres intentos de depositar gotas de auga con xabón.

Recollerán o número de gotas na táboa,

A táboa terá 6 filas, 3 para os intentos con auga e outras 3 para os intentos con auga e xabón. Nas columnas o nome dos alumn@s que participan na actividade.

Na táboa rodearán de vermello o maior número de gotas de auga e de verde o valor intermedio de gotas de auga con xabón. (Ou o que vaia mellor)

Con eses datos realizarán unha gráfica de barras.

As imaxes do alumnado son do grupo de 2º de educación primaria do CEIP A LAXE de Marín.