5º de Primaria 5º e 6º de Primaria 6º de Primaria BACHARELATO CICLOS DE FP ESO Orientación

E que hai dos deberes? Tania Vieites en Balea Vermella | 2×19 | Psicoloxía educativa

21 Xaneiro 202222 Xaneiro 2022 Pilar Ponte 0 comentarios divulgación científica, twitch, twitch en galego

AG. O proxecto de divulgación científica Balea Vermella, que xorde do traballo conxunto de Javier Balea (químico) e Iria Veiga (psiquiatra), estase a converter nun referente no Twitch en galego e, en xeral, no panorama creativo nas redes no noso idioma. Xa con anterioridade os poideramos ver xuntos na serie de vídeos Concienciadas en Praza que contou con 4 capítulos.

Iria Veiga e Javier Balea nunha das portadas de “Concienciadas”.

Nas emisións de Balea Vermella poderás atopar entrevistas a xente de ciencia que está a facer cousas moi interesantes e que, por desgraza, a maioría de nós descoñecemos. Ademais das entrevistas tamén ofrecen de cando en vez programas de fasquía diferente, con xogos e outro tipo de contidos.

Viñeta de **Andrade** publicada na web de CIG-Ensino.

Esta semana Iria e Xabier, no programa Balea Vermella | 2×19 | Psicoloxía educativa, convidaron a Tania Vieites, pedagoga e investigadora do GIPED (Grupo de Investigación en Psicoloxía Educativa) da Universidade da Coruña, para que falase dos seus traballos arredor dos deberes escolares e do MITCA, o método de implementación de tarefas para a casa que desenvolveron.