A axenda Aulas Galegas para o alumnado xa está aquí.
En Aulas Galegas valoramos como prioritario poder fornecer o alumnado de materiais de traballo na nosa lingua e é por isto que non podía faltar no noso portal unha axenda escolar específica para o alumnado que lle ofreza un soporte físico e permanente á súa actividade académica.
Procuramos na medida do posible que esta axenda respondese a todas as necesidades básicas de calquera alumna e alumno e, neste sentido, ofrece os elementos clásicos e tradicionais neste tipo de documentos como páxina de horario, calendarios trimestratis e mensuais e páxinas de semana vista.
Mais tamén queriamos que a axenda fose máis aló e por iso engadimos unha parte denominada “Recursos” con apartados específicos como: contrasinais, contactos, as miñas lecturas, información académica, exposicións e exames, avisos de titoría, traballos telemáticos e ata autocontrol epidemiolóxico.
Todo isto enriquecido con elementos como a palabra do día para ampliar o noso vocabulario e fermosamente ilustrado por Montserrat Arza Rodríguez e Nerea Caseiro Vázquez.
Desexamos que a axenda cumpra o seu cometido e agardamos que vos guste.
Por favor, deixádenos nos comentarios as suxestións de mellora por se houbese a oportunidade de aplicalas noutra ocasión.
Grazas e que que teñades un curso ordenadiño que por axenda non ha de ser.
DESCÁRGAA AQUÍ