Contos do mundo

AG.-  Hoxe imos viaxar polo mundo a través dos contos.

Hai moitas crianzas en todo o planeta cuxa cultura ten moitos trazos en común. A partir das nosas costas, contos e lendas cruzaron o Atlántico, e regresaron aos nosos lares achegas do novo continente. Galicia ten as súas raíces estendidas a ambos os lados deste océano, e isto fai que as nosas crianzas teñan un acervo cultural común que os une, e unhas culturas autóctonas que constitúen os valores de toda a humanidade, rica e diversa. É bo que todas elas coñezan historias que fixeron soñar a moitos dos seus antepasados. Tamén é bo que se poidan achegar a historias dos antepasados doutros nenos coma eles.escritas agora en galego para que todos as entendan. Por que non recoller algúns destes antigos relatos nun libro de contos destinado ás crianzas de hoxe? Parecía unha boa idea e decidiuse levala a cabo. Podedes lelos nesta ligazón.

E falando do mundo, María Plácida Martínez Pedreira mándanos desde Italia este conto O coranavirus contado polos nosos bisnetos. Ela é unha galega de Melide que vive en Italia dende hai moitos anos mais aínda garda o sotaque galego. Escoitade e gozade.

E vós? Como pensades que influirá o coronavirus na literatura do futuro?