O tabú dos contos

AG.- Hoxe queremos compartir con vós un xogo sobre contos clásicos. Consiste en adiviñar de que conto estamos a falar, pero sen empregar unha serie de palabras tabú (tabú significa “que non se pode nomear”). As regras son moi sinxelas:

• Precisamos como mínimo dúas persoas para xogar.
• Un xogador colle unha carta (que estará colocada nun montón boca abaixo).
• Cada tarxeta conta co nome dun conto (en letras moradas) e varias palabras tabú.
• A persoa que colle a carta debe explicar de que vai o conto sen empregar as palabras que aparecen escritas na tarxeta.
• Quen acerte será o seguinte en coller.
• Gaña quen máis contos acerte.

Podedes descargar aquí as tarxetas e crear as vosas propias con contos escollidos por toda a familia.

Esperamos que vos guste este xogo!!!