Extracción de ADN vexetal caseiro.

AG.-

MANS Á MASA:

  • MATERIAL:

  1. Vexetais ou froitas: amorodos, tomate, plátano ou un puñado de chícharos conxelados

  2. Auga

  3. Sal de mesa

  4. Deterxente lavalouza

  5. Alcol de 96 º moi frío (méteo no conxelador ou na neveira)

  6. Culler

  7. Dous vasos

  8. Recipiente tipo bol (opcional)

  9. Coitelo

  10. Batedor ou bolsa tipo zip

  11. Mazo (opcional)

  12. Coador ou filtro de café

  • PROCEDEMENTO:

  1. Bota medio vaso de auga.

  2. Engade 3 culleradas de deterxente lavalouza.

  3. Engade unha cullerada de sal.

  4. Mentres non a utilices, mete a mestura no frigorífico ou conxelador para mantela fría.

  5. Corta o vexetal elixido en anacos.

  6. Tritura os anacos do vexetal no batedor ou utilizada a bolsa tipo zip, introduce os anacos do vexetal e esmágaos cun mazo.

  7. Mestura nun recipiente grande ou na bolsa tipo zip o triturado do vexetal coa disolución inicial de deterxente, sal e auga do vaso.

  8. Mestura todo polo menos 5 minutos. INTENTA QUE NON SE FORME ESCUMA.

  9. Fai pasar a mestura por un coador ou filtro de café a outro vaso.

  10. Engade aproximadamente medio vaso de alcol frío. Débese deixar escorrer lentamente o alcol polas paredes do vaso, tendo  o vaso inclinado. O alcol quedará flotando sobre a mestura.

  11. Deixa repousar durante 5 minutos ata que se forme unha zona avolta (turbia) entre as 2 capas. (Mentres esperas este tempo, podes ir recollendo e limpando todos os recipientes empregados anteriormente).

  12. Introduce unha culler xusto debaixo do alcol (a zona avolta que queda entre as 2 capas). Remove a vara cara a adiante e cara a atrás e aos poucos iranse enrolando os fragmentos de maior tamaño de ADN.

  13. Pasado un minuto, retira a vara atravesando a capa de alcol, co cal o ADN quedará adherido ao seu extremo, co aspecto dun floco de algodón mollado.

  • RESULTADOS: o produto  filamentoso obtido da extracción non é ADN puro, xa que, mesturado con el, hai fragmentos de  ARN. Unha extracción “profesional” realízase engadindo encimas que  fragmentan as moléculas de  ARN e que impiden que se unan ao ADN.

MANS Á MASA, envía as túas fotos e os resultados!

CURRICULO: Bioloxía e Xeoloxia 4º ESO ( Bloque 1. A evolución da vida).

PROPOSTA REALIZADA POR: Patricia Carracedo do CPI Plurilingüe Santa Lucía de Moraña.

FONTES: fotos feitas polo alumnado.


Deixa unha resposta

O teu enderezo electrónico non se publicará Os campos obrigatorios están marcados con *