Telexornal 2.0.

AG.- Hoxe, Rosa María Cajade Rodríguez, rétanos a crear unha nova para emitila no noso Telexornal 2.0. pero… na nosa propia televisión!!

Para pór en marcha esta actividade, que implica moitas disciplinas ou materias, tes que ter claro o que vas traballar:

• TRABALLO COOPERATIVO E EN EQUIPO: a túa familia e mais ti!
• EDUCACIÓN PLÁSTICA: facer unha televisión de cartón ou calquera outro material que queiras ou teñas, dende onde vas retransmitir a nova.
• LINGUA GALEGA: elaborar a nova, tendo en conta os elementos que debe ter para estar ben feita.
• TICs: gravación e edición dun vídeo onde se vexa o teu fantástico traballo.

Para facer a televisión, dámosvos unha idea. Para iso precisarás os seguintes materiais:

• Unha caixa grande de cartón.
• Unha coitela.
• Tesoiras.
• Pegamento.
• 2 pallas.
• 1 rotulador negro.

Debuxaremos na caixa de cartón un rectángulo a modo de pantalla e o cortaremos coa coitela. Co sobrante, imos facendo varios círculos, para os botóns da nosa televisión.

Co rotulador negro, debuxaremos o que será o borde e as patas da nosa tele.

Arriba pegarémoslle as pallas, imitando a antena e os botóns a un lado da caixa.

E xa temos a nosa televisión caseira de cartón. Quen non foi neno e colleu unha caixa para xogar?

Esperamos vervos moi pronto dentro das pantallas con noticias frescas!! 😉